Please enable JavaScript.
Coggle requires JavaScript to display documents.
Hayvan biyoteknolojisi, Жануарларды клондау технологиясы, Эмбриондарды…
Hayvan biyoteknolojisi
Жануарлар биотехнологиясы – жануарлардың жасушаларын, ұлпаларын, генетикалық материалын және көбею механизмдерін пайдалана отырып, олардың өнімділігін арттыруға, тұқым қуалайтын ауруларды зерттеуге, бағалы биологиялық өнімдер алуға және медицинаға қажетті жаңа технологияларды әзірлеуге бағытталған ғылым саласы
Бұл сала молекулалық биология, генетика, эмбриология, ветеринария, биоинженерия және репродуктивті биотехнологиямен тығыз байланысты.
Жануарлар биотехнологиясының негізгі бағыттары
Жануарлар биотехнологиясы бірнеше ғылыми бағытты қамтиды:
Гендік инженерия жануарлардың ДНҚ-сы мен гендерін зерттеуге негізделеді. Оның көмегімен қажетті белгілерді қалыптастыру, өнімділікті арттыру және ауруларға төзімділікті зерттеу мүмкіндігі бар.
Геномды редакциялау ДНҚ-ның нақты нуклеотидтік аймақтарын өзгертуге бағытталған. Бұл бағытта CRISPR-Cas жүйесі қолданылады. Ол белгілі бір гендердің қызметін өзгертуге және тұқым қуалайтын аурулардың механизмдерін зерттеуге мүмкіндік береді.
Жануарларды клондау соматикалық жасушалардың ядросын пайдалану арқылы генетикалық тұрғыдан ұқсас жануарларды алуға негізделеді. Бұл әдіс генетикалық құнды жануарларды көбейту және ғылыми зерттеулер жүргізу үшін қолданылады.
Жасанды ұрықтандыру сперматозоидтар мен жұмыртқа жасушаларын пайдалану арқылы жануарлардың көбеюін басқаруға мүмкіндік береді. Бұл әдіс мал шаруашылығында бағалы тұқымдық қасиеттерді таратуға және мал тұқымын жақсартуға көмектеседі.
Эмбриондық биотехнология жануарлардың ерте даму сатысындағы эмбриондарын зерттеуді қамтиды. Оның негізгі әдістеріне эмбриондарды өсіру, мұздату арқылы сақтау, тасымалдау және басқа аналық жануарларға көшіру жатады. Бұл технология мал шаруашылығында генетикалық құнды ұрпақ алу үшін маңызды.
Жасушалық инженерия дің жасушалары мен әртүрлі ұлпаларды зерттеуге негізделеді. Ол зақымдалған ұлпаларды қалпына келтіру жолдарын зерттеуде, регенеративті медицинада және адам мен жануар ауруларының модельдерін жасауда қолданылады
Трансгенді жануарлар алу жануарлардың генетикалық материалына басқа генді немесе арнайы генетикалық конструкцияны енгізу арқылы жүзеге асырылады. Мұндай жануарлар фармацевтикалық ақуыздар өндіруде, гендердің қызметін зерттеуде және адам ауруларының модельдерін жасауда пайдаланылады.
Ветеринариялық биотехнология жануарлардың жұқпалы ауруларын анықтауға, алдын алуға және емдеуге бағытталған. Бұл салада вирустар, бактериялар, антигендер және басқа биологиялық материалдар зерттеледі. Оның негізгі жетістіктеріне вакциналар, ПТР-диагностикасы және иммунологиялық диагностикалық тесттер әзірлеу жатады.
Ксенотрансплантация жануарлардан алынған мүшелерді, ұлпаларды немесе жасушаларды адам ағзасына трансплантациялау мүмкіндігін зерттейді. Бұл бағытта генетикалық өзгертілген шошқалардың мүшелеріне ерекше назар аударылады. Геномды редакциялау арқылы олардың адам ағзасындағы иммундық қабылдамау реакциясын азайтуға бағытталған зерттеулер жүргізілуде.
Бұл бағыттардың әрқайсысы жануарлардың генетикалық ерекшеліктерін басқаруға, олардың денсаулығын жақсартуға және адам қажеттілігіне арналған биологиялық өнімдерді өндіруге мүмкіндік береді.
-
-
-
-
-
-
-
-
